عشت بهواكي
وعيني بســــــــــماكي
أحضن بضي الفجر علي كفي الندي
وبنهرك اغسل توبي
واغني غناكي
كنت ليكي انا هاوي
لترابك اناغاوي
انا ابنك انا المصري
سكته ليه عني
غريب فيكي وشايل حمولي مستني
يومي يعدي ونهر يجري ولا يسبقني
انا مين فيكي ؟.. عليا جاوبيني
انا خادم لأسيادك وهمه عبيدي
لو ميزان العدل ميزانك انا راضي
يقول حاكم يقول قاضي انا راضي
ليه ضلك علي غيري
ونارك محوطاني
وشمسك بتلعني وحرقه غيطاني
والحنضل بجوفي سقياني
ولقمتي هيناني
ليه تبقي سجاني
وديابه محصراني
لوكنتي سمعاني
وبقلب حضناني
كنتي عرفتي احلامي؟؟
هيلي ترابك علي كتفي
وعيشي بوهمك كده وغشي
انا راضي
انا راضي
اكون موجوع وانيني
اهو مسموع وبيعاني
هوصيكي وصيه سمعاني
زي ابويا ماوصاني
وانا عاري بأبداني
الحق لو اقوله بيوجعني
غريبك فيكي متهني
وبأصولي انا بيهني
ونار جوايا بتكلني
علي اهلي وناسي
وانا الي رفعت امجادك
وحلف العالم بامجادي
هسيبك لكن امانه برقبتك أبنك وابني
حرام دمه يتصفي
بمؤامره حقيره قبل مايصحي
لو سألوني لوين رايح هقول انسي
ماتخافي يوم أبوح بسري
اواقول مجروح
اواقول خايف قطر يقلبني
ولا حفنة كماوي متسرطن
تفوت علي ارضي تستوطن
ولا في عتمتي بحرامي أتعثر .........انسي؟؟؟؟؟؟؟
بس امانه
حرام أبني دمه يتصفي
بمؤامره حقيره قبل مايصحي
هدي نور
ليست هناك تعليقات:
إرسال تعليق